قصيدة ايسوسين

*

* * *

*

اِيسُـوسِيـنْ

--==*==--

نظم : محمد زلماضي المزالي

--==*==--

السّْلاَمْ نْ رَبِّي اِيعْزَّانْ أَيْسُوسِيْنْ

أَيْتْ سُوسْ كُولًّوكْنْ مَانْزَاكُنِينْ

أزَاغَارْ دُودْرَارْ أُولاَ تَاﺴﯕﻴﻮﻴﻦْ

أوْنَهْدُو أَفُوسْ نَلْغُنْبَازْ اِيفُولْكِينْ

دْ وَاضُو نْ اِيجْدِّﻴﯕنْ دْ تِيغْمِيوِينْ

دُوزُوزْوُو نْ اِيلّلْ دْ تَاطَّاﻨﯕﻴﻮﻴﻦْ

دُورَارْنْ ن تزُوكِّي دْ اِيسْكِيجِّينْ

دْ تُوفَاوْتْ نْ صْبَاحْ دْ تِينْقِّيضِينْ

نْ ﺗﺍﯕﻮﺖْ اِيبَرّْدْنْ دُوَامَانْ ضَرْنِينْ

دْ ﺍﻴﻨﯕﻴﺍﻦْ اِيسَافّْنْ دْ تِيضُورِيوِينْ

دْ اِﻴﯕرَﺍﻦْ ليخْ سُونْفُوسْنْ تُورِينْ

يَارِيكُنْ رَبِّي سْ اِيدْرَارْنْ دَرْنِينْ

رُورْنَاوْنْ اِﻴﯕﻴﯕﻦْ دْ تِيمْجِيوْشِينْ

تْسْبِيدّْمْ اِيضُورَانْ تْبَرَّمْ تَادّْوَارِينْ

تْضُوفْمْ أَيْدَا خْ ﺍﻴﯕﻱ تِيوْرِيرِينْ

ﺍﻴﯕﻴدﺍر مَّنْعَانْ ﯕﺍﻦْ ﺗﻴﻤﯕرﻴﻮﻴﻦْ

اِيحْوَاشْنْ لَهْضَرْتْ ﯕﺍﻦْ تِيمْيُوِرينْ

أمْزْرُويْ نْسُوسْ اِيلاَّ خْ ﺗﻴﺗﯕﺍرﻴﻦ

مَا تْزِّْريمْ نْ تَاسَّاسْتْ خْ تَاسُوتِينْ

مَا تْزِّْريمْ نْ لاَهْوَالْ دْ تِيمْزْلاَيِنِينْ

مَا تْزْرَامْ خِيزْمَازْ دْ تِيمَّاِريوينْ

مَا تْزِّْريمْ وُّوسَّانْ نْ تِيسُودَّاسِينْ

مَا تْزْرَامْ دَارْ لْعْدُو نْ ﺍﻴﺴﻤﻴﯕﻴﻠﻦ

مَا فَلاَّوْنْ سْكَرْنْ نْ تِيمُوكِْريسِينْ

مَا تْصَرّْفْ تْمَاِزيرْتْ نْ تِينَرْزَايِينْ

مَا يْلاَّنْ فْ تِيقْبِيلِينْ نْ تِيفْرَاسِينْ

مَا دْفْكَانْ اِيكَـالْنْ نُّونْ نْ تِينْيَافِينْ

مَا دْسْكَرْنْ سُوسْ دْ تِيوُّوِريِوينْ

مَا دّْفَلْنْ ِويلّلي زِْرينِينْ نْ تِينَافُوتِينْ

مَا دَاوْنْ اِيفكَا ربِّي نلوقرْ دْ أسْكينْ

مَا فَلاََّوْنْ اَرَانْ اِيمَـارَانْ نْ تَـالاَّسِينْ

مَادْ اَرَانْ اِينَازُورْنْ نْ ﺗﻴﯕﻮرِيِوينْ

مَاد ْسْنُوبّْشْنْ اِيمَاسَّانْ نْ تِيزْرَاِوينْ

مَا فَلاََّوْنْ نَّانْ الرّْوَايْسْ خْ تِيغْمِيرِينْ

مَا دْفَلْنْ تِيمْزْﯕﺍدِيوينْ نْ تِيمَاسَّانِينْ

أيْتْ سُوسْ رَانْ غَاسَّا تِيزْدَايِينْ

دْ أدْسَّمْغُورْنْ كُولُّو تِيغَاوْسِيِوينْ

زْرَاتْ مَا يْلاَّنْ نْ تِيمْسْمُونِينْ

مَا دْسْكَرْنْ خْ اِيسَايْسْنْ تِيلالِينْ

أورْمَنْتْ كراﻴﯕﺍت ْ نْ ْتِيرْمِيتِينْ

اَوْسَنْتْ اِي ﻜﻴﯕﺍﻦْ نْ تِيزُورَاِوينْ

سَلّيخْ تْلُولْ تَاسُوتْ نْ اِيدْمْسَانِينْ

زَايْدْنْ اِيسْبَّابْنْ اُولاَ تِيمْسْغُونِينْ

اِيوْسَنْتْ سْ النّيْتْ اِيدْبُو تَازُّولِينْ

ﺍﻴﯕﻮتْنْ اِينَاوُّورْنْ دْ تِيمْغْرَاضِينْ

أيْتْ سُوسْ اُورْتَحْتَاجَّامْ تِينْمَّالِينْ

زُّوﯕﺍﺯْنْ اِيرْﯕﺍزْنْ بْلاَ تِيمَلْمَادِينْ

السّْلاَمْ نْ رَبِّي اِيعْزَّانْ أَيْسُوسِيْنْ

أُودْرَارْ دُوزَاغَارْ أُولاَ تَاﺴﯕﻴﻮﻴﻦْ
--==*==--

نظم : محمد زلماضي المزالي

--==*==--

شرح المفردات

===================

الأمازيغية       //       العربيـة

===================

أَيْسُوسِيْنْ        =       أهل سوس

مَانْزَاكُنِينْ        =       كيف حالكم

تَاﺴﯕﻴﻮﻴﻦ        =       الجهات

اِيفُولْكِينْ         =       الجميل

تِيغْمِيوِينْ        =       الألوان

تَاطَّاﻨﯕﻴﻮﻴﻦْ     =       الأمواج

ايلل              =       البحر

اِيسْكِيجِّينْ        =       الزقزقات

أورارن          =       التغاريد

تِينْقِّيضِينْ        =       القطرات

امَانْ ضَرْنِينْ    =       الندى

تِيضُورِيوِينْ     =       مساقط المياه

تُورِينْ           =       الرئتين

اِيدْرَارْنْ دَرْنِينْ =       الأطلسين

ياريكن          =       يقيكم

تِيمْجِيوْشِينْ      =       الزوابع

رورناون        =       تدفع عنكم

اِﻴﯕﻴﯕﻦ          =       الرعد

تَادّْوَارِينْ         =       البيوت

تْسْبِيدّْمْ           =       أقمتم

تْبَرَّمْ              =       أحطتم

تِيوْرِيرِينْ        =       التلال

أيدا               =       الممتلكات

ﺗﻴﻤﯕرﻴﻮﻴﻦْ      =       المعجزات

منعان            =       منيعة

تِيمْيُوِرينْ        =       العادات

ﺗﻴﺗﯕﺍرﻴﻦ         =       الوثائق

تَاسُوتِينْ         =       الأجيال

تِيمْزْلاَيِنِينْ       =       الاختلافات

تِيمَّاِريوينْ       =       الصعوبات

تِيسُودَّاسِينْ      =       الامتحانات

ﺍﻴﺴﻤﻴﯕﻴﻠﻦ       =       التهديدات

تِيمُوكِْريسِينْ     =       المشاكل

تِينَرْزَايِينْ       =       المتناقضات

تِيفْرَاسِينْ        =       الصفات

تِينْيَافِينْ         =       الفوائد

تِيوُّوِريِوينْ      =       الأعمال

تِينَافُوتِينْ        =       المصالح

أسْكينْ            =       الشأن

تَـالاَّسِينْ         =       الروايات

ﺗﻴﯕﻮرِيِوينْ      =       الكلمات

تِيزْرَاِوينْ        =       الدراسات

سنوبشن         =       بحثوا

تِيغْمِيرِينْ        =       الأغاني

تِيمَاسَّانِينْ        =       العلوم

تِيزْدَايِينْ         =       العلاقات

تِيغَاوْسِيِوينْ     =       الشؤون

تِيمْسْمُونِينْ      =       الجمعيات

تِيلالِينْ           =       الأنشطة

اِيسَايْسْنْ         =       الميادين

ْتِيرْمِيتِينْ         =       التجارب

تِيزُورَاِوينْ      =       الصناعة

اِيدْمْسَانِينْ        =       لاقتصاديون

تِيمْسْغُونِينْ      =       المشتريات

اِيسْبَّابْنْ          =       التجار

تَازُّولِينْ          =       الحِرَف

اِينَاوُّورْنْ        =       العمال

تِيمْغْرَاضِينْ     =       الأجيرات

تِينْمَّالِينْ          =       التوجيهات

تِيمَلْمَادِينْ        =       التعليمات

زّوﯕﺍﺯْنْ         =       لازالوا

=====================

*

* * * 

*